إنتى لسه فاكرة إسمى
انتى لسه فاكرة اسمى
و لسه فاكرة تنطقيه
و لسه فاكرة تنطقيه
و لسه عايشة جوا حلمك
جوا خيط العنكبوت
اللى ياما حلمتى انك تنسجيه
و كان مناكى تكملى لو حتى نصه
و بعدها هتقطعيه
يا اللى اسمك عمر قلبي ما يوم نسيه
حتى شكلك ..........لون عيونك
حتى احلامك ..... لياليكى .... جنونك
لما باغرق جوا حزنى
علطول برجع في شرايط ذكرياتى
أو بقلب جوا اوراقى القديمة
عن حلم تايه كان برئ
عن ذكرى تاهت في الطريق
عن حايم عايم في المحيط
أو مات غريق
عن كل كلمة جوا ورقة مسطرة حب و حنين
كان نفسي اكتبها بدمعى جوا عينك
كان نفسي القاها في ضحكك ... فوق جبينك
كان نفسي اكتب بس حبرى دموع عينين
عمره ما يخلص بس بيل الورق
عمره ما يكتب بس قلبي بيتحرق
و ارجع ادور جوا درج في مكتبي
او فوق دولابي ..... في الشنط او في الاجندات القديمة
عن رسمة .. صورة .. بورترية ....
او حتى لوحة مقطعة
عن وردة ماتت في الكتاب
و بموت ريحتها بفتكر عشرين جواب
كان مين كتب فيهم ... حبيبي بعشقك
هفضل تملى يا حبيبي مصدقك
مش هابدل حال مكان الحال
و الله ما يكفى حزن قلبي
ميت قصيدة او جواب مليانة حزن
او الف لوحة كلها الوان كئيبة
لكن صعوبة موقفي ان الاسامى بتتحفر
في صخور في قلبي
و الحب بيعلم و يفضل قلبي يبكى
و ارجع ادور في شرايط ذكرياتى
عن ذكرى تاهت في الطريق
عن حلم عايم في المحيط
و مات غريق
Mahmoud Al Shirbini
